Қалалық жұмыспен қамту және әлеуметтік бағдарламалар бөлімінің мәліметінше, өткен жылы 6 әлеуметтік нысанның кіреберісі мүгедек жандардың кіріп шығуына бейімделіп жасалыпты. Қазір 199 ғимараттың кіреберісі талапқа сай. Қалалық жұмыспен қамту және әлеуметтік бағдарламалар бөлімінде мемлекеттік әлеуметтік тапсырыс шеңберінде «Инватакси» қызметін іске қосылды. Арбаға таңылғандарға «Жаратылыс-ПВ», «Көмектес» және «Ерекше таңдау» корпоративтік қорлары ай сайын 100-150 адамға қызмет көрсетуде.
Ал облыс орталығында 105 білім беру, 17 мәдениет, 6 денсаулық сақтау, 2 дене шынықтыру және спорт, 4 мемлекеттік, 2 әлеуметтік және 7 жеке нысандарында мүмкіндігі шектеулі жандарға пандустар орнатып, бейімдеуді қажет етеді. Бұл басқармаларға өтініш хаттар жолдануда. Жұмыспен қамту және әлеуметтік бағдарламалар бөлімі мүгедектердің әлеуметтік нысандарға кіріп-шығуына орай бейімделетін нысандар мәселесі 2020 жылға дейін шешілмекші. Өйткені, кедергісіз өмір-мүгедек жандарға үлкен мүмкіндік. Қазір кейбір нысандарда пандустардың орнына көтергіш құрылғылар да орнатылуда.
Фарида БЫҚАЙ,
«Егемен Қазақстан»
Павлодар
